Umukunzi wa Madonna yatowe nk’umuhungu ufite igikundiro kurusha abandi

Ubwo igitangazamakuru Tetu cyakoraga urutonde rw’abasore mirongo itanu beza kandi bafite igikundiro kurusha abandi, umubyinnyi Brahim Zaibat akaba ari nawe mukunzi w’umuhanzikazi Madonna niwe waje ku mwanya wa mbere.
Umusore w’imyaka 28 yavukiye mu gihugu cy’u Bufaransa kuwa 6 Kanama 1985 akaba yaramenyekanye cyane kubera impano afite yo kubyina mu irushanwa rizwi nka “Dancing with the Star”.

Brahim Zaibat na Madonna

Brahim Zaibat yaje ku mwanya wa mbere akurikirwa na James Franco, umunyamerika w’imyaka 35, umukinnyi wa filimi ndetse na Justin Timberlake, icyamamare muri muzika ndetse akaba n’umukinnyi wa filimi.
Bimwe mu byo iki kinyamakuru cyagendeyeho mu gutora Brahim nk’umusore wa mbere mwiza kandi ufite igikundiro guhiga abandi muri uyu mwaka ni uburanga bwe, uburyo akurura abakobwa, impano y’igikundiro afite ariko ngo cyane cyane uburyo yiyemeje guharanira uburenganzira bw’ikiremwa muntu ndetse n’ubw’abana.

Brahim Zaibat agaragara ku rupapuro rubanza rwa Tetu Magazine

Justin Timberlake yabaye uwa kabiri

James Franco yabgizwe uwa gatatu mu gukundwa cyane